မြွေပူရာ ကင်းမှောင့်ရှာတဲ့ မြန်မာအလုပ်သမားများဘဝ

ထိုင်းနိုင်ငံ ဘန်ကောက်မြို့နဲ့ စမွတ်ဆာခွန်ခရိုင်များတွင် အလုပ်သွားလုပ်ကြမည့် မြန်မာနိုင်ငံသား ၂၃ ဦး (ကျား ၁၂ ၊ မ ၁၁ )ကို ယနေ့ မွန်းတည့် ၁၂နာရီခွဲခန့်တွင်ကျန်ချနဘူရီခရိုင် စိုင်းယို့နယ်မြေ ဘွန်းတီးရပ်ကွက်အတွင်းရှိ တောစပ်တနေရာတွင်လုံခြုံရေးတပ်ဖွဲ့ဝင်များ၏ ဖမ်းဆီးခြင်းခံရကြောင်းသိရပါတယ်။

သူကောင်းဖြစ်ဖို့တရွာပြောင်းကာမှ သေချင်တဲ့ကျား တောပြောင်းသလိုဖြစ်နေတဲ့ မြန်မာအလုပ်သမားများ

ထိုင်းနိုင်ငံ စမွတ်ဆာခွန်ခရိုင်တွင် အလုပ်သွားလုပ်ကြမည့် မြန်မာနိုင်ငံ ထားဝယ်ခရိုင်၊ မြိတ်မြို့နယ်၊ပုလောမြို့နယ်၊ မန္တလေးတိုင်းဒေသကြီး၊မကွေးတိုင်းဒေသကြီးနှင့်ပဲခူးတိုင်းဒေသကြီးတို့မှ လာကြသည့် မြန်မာနိုင်ငံသား၅၈ ဦး ( ကျား ၂၁ ၊၃၇ )နှင့် ခေါင်းဆောင် ၁ ဦးတို့ကို  အောက်တိုဘာလ ၁၄ ရက်နေ့ ည ၈နာရီနဲ့ ည ၁၁ နာရီအချိန်တို့တွင် ထိုင်းနိုင်ငံ ပကျွတ်ခီလီခမ်းခရိုင်  မီ(င်)နယ်မြေ၊ အောင်နွဲ့ရပ်ကွက်တွင် ဒေသဆိုင်ရာအာဏာပိုင်များက တရားမဝင်နယ်စပ်ဖြတ်ကျော်ဝင်ရောက်မှုဖြင့် ဖမ်းဆီးခဲ့ကြောင်းသိရသည်။

ကလေးငယ်၁ဦးအပါဝင် မြန်မာနိုင်ငံသား၁၅ဦး တရားမဝင်နယ်စပ်ဖြတ်ကျော်မှုဖြင့်အဖမ်းခံရ

ထိုင်းနိုင်ငံ ဖူးကတ်၊ ဆူရတ်ဌာနီ ချွန်ဖော်နှင့် စမွတ်ဆာခွန်ခရိုင်တို့တွင် သွားရောက်အလုပ်လုပ်ကိုင်ဖို့ တရားမဝင်နယ်စပ်ဖြတ်ကျော်ဝင်ရောက်လာသည့်  မြန်မာနိုင်ငံသား ၁၅ ဦး (ကျား ၁၀ ၊ မ ၄ ) နှင့် ကလေးငယ် ၁ဦး (မ) တို့ကို အောက်တိုဘာလ ၁၅ ရက်နေ့ ညနေ ၅နာရီအချိန်ခန့်တွင် ရနောင်းခရိုင်မီ(င်)နယ်မြေ ပါနန်ရပ်ကွက် အုပ်စု ၃ တွင် ရနောင်းခရိုင်အုပ်ချုပ်ရေးမှူးအဖွဲ့နှင့် တာဝန်ရှိသူများဖမ်းဆီးရမိခဲ့ကြောင်းသိရသည်။

ဖမ်းဆီးရမိသည့် မြန်မာနိုင်ငံသား ( ၁၅ ) ဦးတွင်  (၁၂ )ဦးသည် တရားဝင်စာရွက်စာတမ်းများရှိပြီး ကျန် ၂ ဦးသည် အထောက်ထားမဲ့များဖြစ်ကြောင်းသိရသည်။ 

အဝင်အထွက်ခက်ခဲနေသည့် မြန်မာအလုပ်သမားများ

မြန်မာနဲ့ထိုင်းနှစ်နိုင်ငံနယ်စပ်ရှိ တာ့(ခ်)ခရိုင် မဲ့လမာ့နယ်မြေ ဖလပ်ထားရပ်ကွက်အုပ်စု ( ၁ )တွင် ယမန်နေ့တွင် တရားမဝင်နယ်စပ်ဖြတ်ကျော်ဝင်ရောက်လာသည့်မြန်မာနိုင်ငံသား ၄ ဦး (ကျား၂ ၊ မ ၂)နှင့် ဦးဆောင်ခေါ်လာသည့် ထိုင်းနိုင်ငံသား၁ဦးတို့ကို အာဏာပိုင်များကဖမ်းဆီးရမိခဲ့ကြောင်းနှင့် ဖမ်းဆီးရမိသူများကို မဲ့လမာ့ရဲစခန်းသို့ခေါ်ဆောင်ပြီး ဥပဒေအတိုင်းအရေးယူဆောင်ရွက်မည်ဖြစ်ကြောင်း သိရသည်။

တရားမဝင်နယ်စပ်ဖြတ်ကျော်လာသည့် မြန်မာနိုင်ငံသားများထပ်မံအဖမ်းခံရ

ထိုင်းအစိုးရက အထောက်ထားမဲ့အလုပ်သမားများကို အလုပ်လုပ်ကိုင်ခွင့်ပြုလုပ်ပေးမယ်လို့ သတင်းထုတ်ပြန်ပြီးသည့်နောက် နှစ်နိုင်ငံနယ်စပ်မှာတရားမဝင်ဝင်ရောက်လာတဲ့ မြန်မာနိုင်ငံသားများနေ့စဉ်နီးပါးအဖမ်းခံနေရပါတယ်။

ရနောင်းခရိုင်တွင် တရားမဝင်မြန်မာနိုင်ငံသား ၄၁ဦး အဖမ်းခံရ

ယမန်နေ့ နံနက် ၄နာရီအချိန်ခန့်တွင်  ခြုံဖော်ခရိုင် စဝီမြို့နယ်သို့ ဦးတည်ထွက်ခွာလာသည့် ကားတစီးကို ရနောင်းခရိုင် လအူ(န်)မြို့နယ် စကဲဝိုရပ်ကွက် အုပ်စု (၃)ရှိ စစ်ဆေးရေးဂိတ်တွင် ရပ်တန်စစ်ဆေးရာ အသက် (၄၃ )နှစ်အရွယ်နှင့် အသက် (၂၀)အရွယ်ရှိ ထိုင်းနိုင်ငံသား ယာဉ်မောင်းသမားများနှင့် ကားနောက်ဘက်အတွင်း လိုက်ပါလာသည့် တရားမဝင်နယ်စပ်ဖြတ်ကျော်ဝင်ရောက်လာသည့် မြန်မာနိုင်ငံသား ၄၃ ဦး (ကျား ၃၆ ၊ မ ၇ )တို့ကို ဖမ်းဆီးရမိခဲ့ကြောင်းသိရသည်။

တရားမဝင်နယ်စပ်ဖြတ်ကျော်ဝင်ရောက်လာသည့် မြန်မာနိုင်ငံသား ၃၂ ဦး ထပ်မံအဖမ်းခံရ

အောက်တိုဘာလ ၇ ရက်နေ့ နံနက် ၇ နာရီ မှ မွန်းလွဲ ၂ နာရီအထိ ထိုင်းနိုင်ငံ ပကျွတ်ခီလီခမ်ခရိုင် နှင့် ကန်ချနဘူရီခရိုင်တွင် တရားမဝင်နယ်စပ်ဖြတ်ကျော် ဝင်ရောက်လာသည့် မြန်မာနိုင်ငံသား ၃၂ ဦး ( ကျား ၂၄ ၊ မ ၈ )  တို့နှင့်အတူ ခေါ်ဆောင်လာသူ ၂ ဦး ကား ၂ စီးတို့နဲ့ အတူ နေရာအသီးသီးတွင် ထိုင်းအာဏာပိုင်များက ဖမ်းဆီးရမိခဲ့ကြောင်းသိရသည်။