အဝင်အထွက်ခက်ခဲနေသည့် မြန်မာအလုပ်သမားများ

မြန်မာနဲ့ထိုင်းနှစ်နိုင်ငံနယ်စပ်ရှိ တာ့(ခ်)ခရိုင် မဲ့လမာ့နယ်မြေ ဖလပ်ထားရပ်ကွက်အုပ်စု ( ၁ )တွင် ယမန်နေ့တွင် တရားမဝင်နယ်စပ်ဖြတ်ကျော်ဝင်ရောက်လာသည့်မြန်မာနိုင်ငံသား ၄ ဦး (ကျား၂ ၊ မ ၂)နှင့် ဦးဆောင်ခေါ်လာသည့် ထိုင်းနိုင်ငံသား၁ဦးတို့ကို အာဏာပိုင်များကဖမ်းဆီးရမိခဲ့ကြောင်းနှင့် ဖမ်းဆီးရမိသူများကို မဲ့လမာ့ရဲစခန်းသို့ခေါ်ဆောင်ပြီး ဥပဒေအတိုင်းအရေးယူဆောင်ရွက်မည်ဖြစ်ကြောင်း သိရသည်။

ထိုင်းအစိုးရက အထောက်ထားမဲ့ရွှေ့ပြောင်းအလုပ်သမားများကို ယာယီနေထိုင်အလုပ်လုပ်ကိုင်အထောက်ထားများပြုလုပ်ပေးမည်ဖြစ်ကြောင်းသတင်းထုတ်ပြန်ပြီးသည့်နောက် တရားမဝင်နယ်စပ်ဖြတ်ကျော်ဝင်ရောက်လာသည့် မြန်မာနိုင်ငံသားများ နေ့စဉ်နီးပါးအဖမ်းခံရလျက်ရှိသလို နေရပ်ပြန်လိုသည့် မြန်မာအလုပ်သမားများလည်း တရားဝင်နေရပ်ပြန်ခွင့်မရသဖြင့် အခက်ခဲများကြုံတွေ့ရကြောင်းသိရသည်။