ကမ္ဘာ့သမိုင်းမှာ ထူးခြားဆန်းကြယ်တဲ့ ဘဝပြောင်းလဲမှုတွေ အများအပြား ရှိခဲ့ပေမယ့် တရုတ်နိုင်ငံရဲ့ နောက်ဆုံးဧကရာဇ် ပုယီ Puyi ရဲ့ ဘဝဇာတ်ကြောင်းဟာ အံ့မခန်း စိတ်ဝင်စားစရာ ကောင်းလှပါတယ်။
ငယ်စဉ်က နန်းတော်ထဲမှာ ရွှေဇွန်းကိုက်ပြီး မွေးဖွားခဲ့တဲ့ ပုယီဟာ အသက် ၂ နှစ်သာ ရှိသေးချိန် ၁၉၀၈ခုနှစ်မှာ တရုတ်နိုင်ငံရဲ့ ချင်မင်းဆက် နောက်ဆုံးဧကရာဇ်အဖြစ် ရွေးချယ်ခံခဲ့ရပါတယ်။ "ကျွန်တော့်မှတ်မိသမျှ ပထမဆုံးအမှတ်တရက နန်းတော်ထဲမှာ လူတိုင်းက ကျွန်တော့်ရှေ့မှာ ဒူးထောက်ပြီး ဦးညွတ်နေကြတာပါပဲ" လို့ သူက ပြန်ပြောပြဖူးပါတယ်။
