ညမထွက်ရအမိန့် ဖြေလျှော့ပြီး နိုင်ငံတကာခရီးသွားလာမှု ဆက်လက်တားမြစ်ရန် ထိုင်းအစိုးရ ဆုံးဖြတ်

ထိုင်းအစိုးရသည် နိုင်ငံအတွင်း ကိုဗစ်-၁၉ ရောဂါ ကူးစက်မှု ထိန်းချုပ်ရန် ဧပြီ ၃ ရက်က ကြေညာထားသည့် ညမထွက်ရ အမိန့်ကို ဇွန် ၁၅ ရက်တွင် အဆုံးသတ်ရန် အတည်ပြုထား ကြောင်း နိုင်ငံ၏ ကိုဗစ်-၁၉ ရောဂါအခြေအနေ စီမံခန့်ခွဲရေး ဗဟိုဌာနက ယနေ့ကြေညာသည်။

ထိုင်းဝန်ကြီးများနှင့် ကျန်းမာရေးဆိုင်ရာ ကျွမ်းကျင် ပညာရှင်အားလုံးသည် ကိုဗစ်-၁၉ ရောဂါ ကူးစက်မှု ထိန်းချုပ်ရန် နေ့စဉ် ည ၁၁ နာရီမှ နံနက် ၃ နာရီအထိ ညမထွက်ရအမိန့်ကို ဇွန် ၁၅ ရက်တွင် ဖြေလျှော့ရန် သဘောတူခဲ့ကြောင်း၊ သို့သော် ကိုဗစ်-၁၉ ရောဂါဆိုင်ရာ အရေးပေါ်အခြေအနေကိုမူ ဆက်လက်ရှိနေမည်ဖြစ်ကြောင်း နိုင်ငံ၏ ကိုဗစ်-၁၉ ရောဂါ အခြေအနေ စီမံခန့်ခွဲရေးဗဟိုဌာန ပြောရေးဆိုခွင့်ရှိသူ ဒေါက်တာ တာဝီစင်ဗီဆာနူယိုသင်က ပြောကြားသည်။

မြဝတီနယ်စပ်ဂိတ်မှ ထိုင်းနိုင်ငံရောက် မြန်မာရွှေ့ပြောင်းအလုပ်သမား ယနေ့ဇွန်လ(၈)ရက်နေ့တွင် (၉၄၆)ဦး ဆက်လက်ဝင်ရောက်

မြဝတီမြို့ ထိုင်း-မြန်မာချစ်ကြည်ရေးတံတား အမှတ်(၂)ဂိတ်မှ ယနေ့ဇွန်လ (၈)ရက်နေ့တွင် ထိုင်းနိုင်ငံရောက် မြန်မာရွှေ့ပြောင်းအလုပ်သမား (၉၄၆)ဦး ဆက်လက်ဝင်ရောက်ကြောင်း သိရပါသည်။ 

တရားမဝင်းအလုပ်သမား ၅ဦး မယ်ဆောက်မြို့တွင် ဖမ်းဆီးရမိ

ယနေ့(၇.၆.၂၀၂၀)တွင် ထိုင်းမြန်မာနယ်စပ်မြို့ဖြစ်သည့် တာခ်ခရိုင်၊ မယ်ဆောက်မြို့၊ထပ်သဆိုင်းလူးမြို့နယ်၊ ဘန်ဝမ်တာခန်တိုင်ကျေးရွာ အမှတ် ၇တွင် မြန်မာနိုင်ငံဘက်မှ တရားမဝင်ဝင်ရောက်လာသည့် အထောက်ထားမဲ့အလုပ်သမား ၅ဦးကို ထိုင်းအာဏာပိုင်များက ဖမ်းဆီးရမိကြောင်းသိရသည်။

ထိုင်းနိုင်ငံမှ မြန်မာရွှေ့ပြောင်းလုပ်သားများ မြဝတီ အမှတ်(၂) ချစ်ကြည်ရေးတံတားမှ ဇွန် ၆ ရက်၌ ၁၇၈၄ ဦး ဆက်လက်ဝင်ရောက်

မြဝတီ ဇွန် ၆

ထိုင်းနိုင်ငံမှ မြန်မာရွှေ့ပြောင်းလုပ်သား ၁၇၈၄ ဦး သည် မြဝတီ အမှတ်(၂) ချစ်ကြည်ရေးတံတားမှတစ်ဆင့် ယနေ့တွင် ပြန်လည်ဝင်ရောက်လာခဲ့ကြောင်း သိရသည်။

ထိုသို့ ပြန်လည်ဝင်ရောက်လာသူများအနက် ၁၄၆ ဦး သည် ထိုင်းနိုင်ငံ ဗန်ကောက်မြို့ မော်ချစ်ကားဂိတ်မှ ကားခုနစ်စီးဖြင့် နှစ်နိုင်ငံအစိုးရ၏ ညှိနှိုင်းမှု၊ ထိုင်းနိုင်ငံ ဆိုင်ရာ မြန်မာသံရုံး၏ အစီအစဉ်ဖြင့် ဝင်ရောက်ခဲ့ပြီး ကျန် ၁၆၃၈ ဦးသည် ထိုင်းနိုင်ငံ ဒေသအသီးသီးမှ ၎င်းတို့၏ အစီအစဉ်ဖြင့် ပြန်လည်ဝင်ရောက်သူများဖြစ်ကြောင်း သိရသည်။

ကော့သောင်းနယ်စပ်ဂိတ်မှ ပြန်လည်ဝင်ရောက်လာသည့် မြန်မာရွှေ့ပြောင်းအလုပ်သမားများအား နေရပ်ဒေသအသီးသီးသို့ ပြန်လည်ပို့ဆောင်ပေး

ကော့သောင်း ဇွန် ၆

နေရပ်ပြန် မြန်မာရွှေ့ပြောင်းအလုပ်သမား အမျိုးသား ၉၇ ဦး၊ အမျိုးသမီး ၇၃ဦး စုစုပေါင်း အလုပ်သမား ၁၇၀ ယမန်နေ့ ညနေပိုင်းက ထိုင်း နိုင်ငံတောင်ပိုင်း ရနောင်းမြို့မှတစ်ဆင့် မြန်မာ နိုင်ငံ ကော့သောင်းမြို့သို့ ရေလမ်းခရီးဖြင့် ပြန်လည် ဝင်ရောက်လာသည်။

အဆိုပါအလုပ်သမားများမှာ ကိုဗစ်-၁၉ ရောဂါ ဖြစ်ပွားနေမှုကာလအတွင်း နှစ်နိုင်ငံ ကူးသန်း သွားလာမှုများ ပိတ်သိမ်းခဲ့၍ ထိုင်းနိုင်ငံတွင် ကြန့်ကြာနေခဲ့ရခြင်းဖြစ်ပြီး တနင်္သာရီတိုင်းဒေသ ကြီး မြန်မာရွှေ့ပြောင်း အလုပ်သမားများ စိစစ် လက်ခံရေးနှင့် နေရပ်ပြန်လည်ပို့ဆောင်ရေးကော်မတီ ၏ ကြီးကြပ်ညှိနှိုင်းမှုဖြင့် ပြန်လည်ဝင်ရောက်လာ ခြင်းဖြစ်သည်။