ထိုင်းနိုင်ငံရောက် မြန်မာလုပ်သားများအား ပိုမိုကာကွယ်မှုရှိစေရန် ရက် ၁၀၀ စီမံချက်ကို မြှင့်တင်၍ လုပ်ဆောင်နေကြောင်း ထိုင်းနိုင်ငံဆိုင်ရာ မြန်မာသံအမတ်ကြီး ဦးဝင်းမောင်က ပြောသည်။
ထိုင်းနိုင်ငံသို့ လာရောက် လုပ်ကိုင်မည့် မြန်မာလုပ်သား များ အဆင်ပြေစေရန် နယ်စပ် ဂိတ် လေးဂိတ်တွင် ထိုင်းနိုင်ငံ၏ ယဉ်ကျေးမှုနှင့် ဘာသာစကား သင်တန်းများ ပို့ချမည်ဖြစ်ပြီး နှစ် နိုင်ငံ ရေးထိုးထားသည့် အလုပ် သမားခေါ်ယူရေး စာချွန်လွှာ (MoU) စာချုပ်၌လည်း မြန်မာ လုပ်သားများအား ကာကွယ်နိုင် မည့် အချက်များ ထပ်မံထည့် သွင်းထားကြောင်း သံအမတ်ကြီး ဦးဝင်းမောင်က ပြောသည်။
ထိုင်းနိုင်ငံသည် မြန်မာလုပ်သား အများဆုံးရောက်ရှိနေ သည့်နိုင်ငံဖြစ်ပြီး တရားဝင်လာ ရောက်သူနှင့် တရားမဝင် ရောက်ရှိနေသူများ အားလုံး ခြောက်သန်း ခန့်ရှိကြောင်း သိရသည်။ ထို့အပြင် မြန်မာလုပ်သားများ ရောက်ရှိနေသည့် နိုင်ငံများအနက် ပြဿနာအများဆုံး ရင်ဆိုင်ရသည့် နိုင်ငံလည်းဖြစ်၍ ယခုကဲ့သို့ စီမံချက်ပြုလုပ်ခြင်းဖြစ်ကြောင်း သိရသည်။
