ထိုင်းနိုင်ငံ ပင်လယ်စာအရောင်းဈေးတစ်ခုတွင် ဒေသတွင်း ကူးစက်မှု (၅၁၆) ခု တွေ့ရှိ

ထိုင်းနိုင်ငံတွင် ဒီဇင်ဘာ (၁၉) ရက်က ကိုဗစ် အသစ်ထပ်တိုးအတည်ပြုလူနာ (၅၄၈) ဦးရှိခဲ့ရာ ၎င်းတို့အနက် (၅၁၆) ဦးမှာ အလယ်ပိုင်းဒေသ စမွတ်စခွန်း (Samut Sakhon) ပြည်နယ်ရှိ ပင်လယ်စာအရောင်းဈေးတစ်ခုနှင့် ဆက်စပ် ကြောင်း ထိုင်းကျန်းမာရေးဝန်ကြီးဌာန ရောဂါထိန်းချုပ်ရေးဌာန တာဝန်ခံ Opasက ယင်းနေ့တွင် ပြောကြားခဲ့သည်။ 

၎င်းမှာ ထိုင်းနိုင်ငံ၌ ယခုနှစ် နှစ်ဆန်းကပ်ရောဂါ စတင်ဖြစ်ပွားပြီးနောက် တစ်ရက်အတွင်း အတည်ပြုလူနာဦးရေ အများဆုံးတွေ့ရှိမှု ဖြစ်ကြောင်း သိရသည်။ စမွတ်စခွန်းပြည်နယ်ရှိ ပင်လယ်စာအရောင်းဈေးတစ်ခုတွင် ဒီဇင်ဘာ (၁၇) ရက်က ပထမဆုံး ကိုဗစ်-၁၉ ဒေသတွင်းကူးစက်မှု တစ်ခု စတင်တွေ့ရှိခဲ့ရာ သက်ဆိုင်ရာ ဌာနများက လုပ်ထုံးလုပ်နည်းများအတိုင်း လူပေါင်း (၁,၁၉၂) ဦးအား သီးခြားခွဲထား၍ ကိုရိုနာဗိုင်းရပ်စ်စစ်ဆေးမှုများ ပြုလုပ်ပေးခဲ့ကြောင်း Opasက ယင်းနေ့ညပိုင်း ရုပ်မြင်သံကြား သတင်းစာ ရှင်းလင်းပွဲမှတစ်ဆင့် ပြောကြားခဲ့သည်။ 

စီးပွားရေးယန္တရားကြီး ပြန်ပြီး လည်ပတ်ဖို့ ….

 

စီးပွားရေးပြန်ပြီးတော့ နာလန်ထူနေတဲ့နေရာတွေကို  ကျွန်မတို့ ဦးစားပေးပြီးတော့ ကာကွယ်ဆေးတွေ            ထိုးသင့်ရင်လည်း ထိုးပေးရပါလိမ့်မယ်။ ဘာဖြစ်လို့လဲဆိုတော့ ကျွန်မတို့ စီးပွားရေးယန္တရားကြီး ပြန်ပြီးတော့ လည်ပတ်ဖို့ဆိုတာဟာ အင်မတန်မှ အရေးကြီးပါတယ်။ ဒါကြောင့် ဒီအချိန်မှာ စီးပွားရေးယန္တရား ပြန်ပြီးတော့ လည်ပတ်နိုင်တဲ့ အခြေအနေရှိတဲ့ဒေသတွေ၊ ပြောချင်တာကတော့ ကိုဗစ်ရောဂါနဲ့ပတ်သက်ပြီးတော့ ထိန်းချုပ် ထားနိုင်တဲ့ ဒေသတွေမှာဆိုရင် ပိုပြီးတော့ စောစောစီးစီး ကာကွယ်ဆေးထိုးပေးနိုင်မယ့် အခြေအနေမျိုးလည်း ဖြစ်ပေါ်နိုင်ပါတယ်။ 

မလေးရှားနိုင်ငံမှ တရားမဝင်နယ်စပ်ဖြတ်ကျော်ဝင်လာသည့်မြန်မာနိုင်ငံသား ၁၁ဦးအဖမ်းခံရ

ထိုင်းနိုင်ငံတောင်ပိုင်း စတူ(လ်)ခရိုင် ခွန်ခံနယ်မြေ အုပ်စု(၆) ဆောက်လုပ်ဆဲနေအိမ်တစ်လုံးတွင် နေရပ်ပြန်ကြမည့်  မလေးရှားနိုင်ငံဘက်မှ တရားမဝင်နယ်စပ်ဖြတ်ကျော်ဝင်ရောက်လာသည့် မြန်မာလုပ်သမား (၁၁)ဦးကို  ယနေ့နံနက်ပိုင်းတွင် ထိုင်းအာဏာပိုင်များက ဖမ်းဆီးခဲ့ကြောင်း   #Thai PBS သတင်းဌာန၏ ဖော်ပြချက်အရသိရသည်။

တရားမ၀င်မြန်မာအလုပ်သမား ၇ဦးဖမ်းဆီးခံရ

ထိုင်းလူ၀င်မှုကြီးကြပ်ရေးဌာန၊ ထိုင်းစစ်တပ်မှတာ၀န်ရှိသူများ၊ ခရိုင်ကျန်းမာရေးအဖွဲ့၀င်များနှင့် ရပ်ရွာတာ၀န်ရှိသူများပါ၀င်သည့် ပူးပေါင်းအဖွဲ့သည် ဒီဇင်ဘာလ ၇ ရက်နေ့က ထိုင်းနိုင်ငံ တာခ်ခရိုင် မယ်ဆောက်မြို့ရှိ Phacharoenစျေးကို ၀င်ရောက်စစ်ဆေးခဲ့ရာ တရားမ၀င်မြန်မာအလုပ်သမား ၇ဦးတို့ကို ဖမ်းဆီးရမိခဲ့ကြောင်း ထိုင်းသတင်းဌာနဖြစ်သည့် SAQ၏ဖော်ပြချက်အရသိရသည်။

တရားမဝင်နယ်စပ်ဖြတ်ကျော်လာသည့် မြန်မာနိုင်ငံသား ၄ဦးအဖမ်းခံရ

ယနေ့(၈.၁၂.၂၀၂၀)၌ ထိုင်းမြန်မာနယ်စပ်ဖြစ်သည့် တာ့ခ်ခရိုင် မယ်ဆောက်မြို့  ထာ့စိုင်လူမြို့နယ်ဘန်ဝမ်ထာ့ခမ်ကျေးရွာအုပ်စု(၇)ရှိ ကြံခင်တစ်ခုအတွင်း တရားမဝင်နယ်စပ်ဖြတ်ကျော်ဝင်ရောက်လာသည့်မြန်မာနိုင်ငံသား အမျိုးသမီး ၄ဦးတို့ကို ကင်းလှည့်နေသည့် ထိုင်းစစ်တပ်ကဖမ်းဆီးရမိခဲ့ခြင်းဖြစ်သည်။

အောင်လံလွှင့်ထူပွဲ ခရီးစဉ်

 

အနာဂတ်အတွက်မဲပေးကြမယ် အဖွဲ့ဦးဆောင်မှုဖြင့်   အမျိုးသားဒီမိုကရေစီအဖွဲ့ချုပ်(NLD)အား

 ထောက်ခံကြသည့်  ထိုင်းရောက်မြန်မာအလုပ်သမားများက နိုဝင်ဘာလ ၈ရက်နေ့တွင်

နခွန်ရတ်ချစီမာခရိုင် ခေါင်ယိုင်မြို့၌  အောင်လံလွှင့်ထူပွဲကို ကျင်းပပြုလုပ်ခဲ့သည့် မှတ်တမ်းဓာတ်ပုံများ

မဲတစ်ပြားအတွက် ဇွဲလုံ့လ

ရွေးကောက်ပွဲမကျင်းပမီ ၈ နာရီ ခန့်အလို နိုဝင်ဘာ ၇ ရက် ည ၁၀ နာရီဝန်းကျင်

ထနောင်းပင်တန်းတွေ၊ ထန်းတောတွေနဲ့ သာသာယာယာရှိလှတဲ့ တံတားဦး-မြို့သာ လမ်းဟာ ညဉ့်နက်ချိန်မှာတော့ လမ်းမီးမရှိဘာမရှိနဲ့ ချောက်ချားစရာကောင်းနေ တယ်။ ဒီကြားထဲ သီတင်းကျွတ်လပြည့်ကျော် ၇ရက်နေ့မို့ ကောင်းကင်မှာ လတောင်မမြင်ရဘူး။ အဲဒီ မှောင်မည်းတိတ်ဆိတ်နေတဲ့ တံတား ဦး-မြို့သာလမ်းပေါ်မှာ အမျိုးသားနှစ်ယောက် ကိုယ့်ခြေထောက်တောင် ကိုယ်မသယ်နိုင်တော့တဲ့ မျက်နှာတွေနဲ့ တစ်လှမ်း ချင်း လျှောက်လာနေတယ်။ နှာ ခေါင်းစည်းကိုယ်စီနဲ့ မျက်လုံးတွေကလည်း အားနည်းဖျော့တော့နေပြီ။ ‘‘မြို့သာရောက်တော့မယ်။ အားတင်းထား ငါ့တူရေ’’ လို့ အသက် (၄၀)ကျော် အမျိုးသားက သူ့ဘေးက အသက် (၂၀)ကျော် လူငယ်လေးကို အားပေးလိုက်တယ်။ လူငယ်လေးကပြုံးရင်း ခေါင်းညိတ်တယ်။ ဒီဇာတ် လမ်းက အဲဒီလူငယ်လေးကြောင့် ဖြစ်ပေါ်လာခဲ့တာပါ။

အဲဒီလူငယ်လေးနာမည်က မောင်ကျော်သိန်းလို့ ခေါ်ပါတယ်။ အသက်က (၂၄)နှစ်ရှိပါပြီ။ သူကမန္တလေးတိုင်းဒေသကြီး ငါန်းဇွန်မြို့နယ် မြို့သာဇာတိပါ။ သူ့ဘေးက လူကတော့ ကိုအောင်ခင်လို့ ခေါ်ပါတယ်။ အသက်ကတော့ (၄၀)ကျော်ပါပြီ။ ကိုအောင်ခင်ကတော့ မြို့သာဇာတိမဟုတ်ပါဘူး။ မတ္တရာနယ်ဘက်ကပါ။ မောင်ကျော်သိန်းရဲ့အဒေါ်နဲ့ ကိုအောင် ခင်က လင်မယားပါ။ စပ်မယ်ဆို တူဝရီးသဘောမျိုးပေါ့။