ဘန်ကောက်တွင် ကိုဗစ်-၁၉ ကူးစက်မှု ကျဆင်းခဲ့သောကြောင့် ဈေးဆိုင်များနှင့် စားသောက်ဆိုင်များ ပြန်ဖွင့်

ဘန်ကောက်တွင် ကိုရိုနာဗိုင်းရပ်စ် ကူးစက်ခံရသူ အသစ်ထပ်မံတွေ့ရှိမှုဆက်လက်ကျဆင်းခဲ့သောကြောင့် ဈေးဆိုင်များနှင့် စားသောက်ဆိုင် အချို့ကို တစ်လကျော်ကာလအတွင်း ပထမဆုံးအကြိမ် ပြန်လည်ဖွင့်လှစ်ပေး ခဲ့ကြောင်း သိရသည်။

ထိုင်းအစိုးရက မြို့တော် ဘန်ကောက်တွင်ရှိသည့် ဆံသဆိုင်များ၊ စားသောက်ဆိုင်များနှင့် တခြား ဆိုင်တချို့ကို တနင်္ဂနွေနေ့ကစပြီး ပြန်ဖွင့်ခွင့် ပြုခဲ့ကြောင်း သိရသည်။

ထိုင်းနိုင်ငံတွင် နေ့စဉ်ကိုရိုနာ ဗိုင်းရပ်စ်ကူးစက်ခံရသူ အသစ်တွေ့ ရှိမှုအရေအတွက်သည လတ်တလော ရက်ပိုင်းတွင် ဆယ်ဂဏန်းအောက်သို့ ကျဆင်းခဲ့ကြောင်း သိရသည်။

မတ်လတွင် နေ့စဉ်မရှိမဖြစ် လိုအပ်သည့် ပစ္စည်းများကို ရောင်းချ သည့် ကုန်စုံဆိုင်များ ဖွင့်လှစ် ခွင့်ပြုခဲ့သည်။

ဆံသဆိုင်များတွင်လည်း ဆံသ ဆရာများသည် နှာခေါင်းစည်းများ၊ မျက်နှာအကာများကို တပ်ထားရန် လိုပြီး ဖောက်သည်များနှင့် စကားပြော ခြင်းများမပြုလုပ်ရန် မှာကြားထား ကြောင်း သိရသည်။

စားသောက်ဆိုင်များတွင်လည်း တစ်ဦးနှင့်တစ်ဦး အနည်းဆုံး တစ်မီ တာ အကွာမှာထိုင်ပြီး ဝန်ထမ်းများ ကလည်း နှာခေါင်းစည်းများ၊ မျက်နှာ ဖုံးများ တပ်ဆင်ထားရမည်ဖြစ်သည်။

ကိုဗစ်-၁၉ ကူးစက်မှုပြန်လည် များပြားလာပါက ဆိုင်များကို ပြန် လည် ပိတ်မည်ဖြစ်ကြောင်း ထိုင်းအစိုးရက ပြောကြားလိုက်သည်။

အင်န်အိတ်ခ်ျကေ