ထိုင်းကျန်းမာရေးဝန်ကြီးဌာန ကူးစက်ရာဂါအခြေအနေစီမံခန့်ခွဲရေးဗဟိုဌာန ပြောရေးဆိုခွင့်ရှိသူ မစ္စတာ တာဝီဆင်ဗီဆနူယိုသင်သည် ယနေ့ နံနက် ၁၁နာရီခွဲ အချိန်၌ ပြုလုပ်သည့်ကူးစက်ရောဂါအခြေနေသတင်းထုတ်ပြန်ချက်၌ ကိုရိုနာဗိုင်းရပ်စ်ကူးစက်ခံရသူ ၁၈ ဦး ထပ်မံတွေ့ရှိကြောင်းပြောကြားသည်။
ထို့တွေ့ရှိမှုသည် ကိုရိုနာဗိုင်းရပ်စ်တွေ့ရှိမှု ကျဆင်းလာသည့်အခြေနေမှ ပြန်လည်းမြှင့်တက်လာခြင်းဖြစ်သည်။
ကိုရိုနာဗိုင်းရပ်စ်အတည်ပြုလူနာ ၁၈ဦးသည် ထိုင်းနိုင်ငံ တောင်ပိုင် ဆုန်ခလာခရိုင်ရှိ စဒေါင်မြို့နယ်ရှိ ထိုင်းလူဝင်မှုကြီးကြပ်ရေးဌာနစောင့်ကြည့်ရေးစင်တာတွင်ထားရှိသည့်နိုင်ငံခြားသားအလုပ်သမားများထံမှတွေ့ရှိခြင်းဖြစ်ပြီး အသက် ၁၃နှစ်မှ ၂၂နှစ်ရွယ်ရှိ အမျိုးသမီး ၁၇နှင့်အသက် ၁၀နှစ်အရွယ် အမျိုးသားတစ်ယောက်ဖြစ်ကြောင်းသိရသည်။
၎င်းနိုင်ငံခြားသားအလုပ်သမား၁၈ဦးသည် မည်သည့်နိုင်ငံသားများဖြစ်ကြောင်း အသေးစိတ် သတင်းထုတ်ပြန်ခြင်းမရှိပါ။
ရောဂါကူးစက်ခံရသူ စုစုပေါင်း ၂၉၈၇ဦးရှိကာ ၂၇၄၀ဦးသည် ပြန်လည်းကျန်းမာလာခဲ့ကြောင်း၊ ဆေးရုံများတွင် ဆေးကုသမှုခံယူနေသူ ၁၉၃ဦးရှိပြီး သေဆုံးသူ ၅၄ဦးရှိခဲ့ကြောင်း မစ္စတာ တာဝီဆင်ဗီဆနူယိုသင်က ဆက်လက်ပြောကြားသည်။
စောမောင်(အလုပ်သမားဟစ်တိုင်)
