တာလွှတ်ဒိုင်သေနတ်မဖောက်ခင်
ကြိုပြေးပြီး
ရှေ့ဆုံးက လူလုံးပြတယ်
မသမာမှုက မသမာမှုပဲ...
အမှန်တရားရဲ့အင်္ကျီကို
မတော်မတည့်ယူဝတ်ပြီး
အရပ်တကာ ဇာတ်နာပြတယ်
မုသားကမုသားပဲ...
မှန်သားပြင်တွန့်ခေါက်မှာ
ကြောက်စရာပုံရိပ် ထင်ချင်ထင်မယ်
(အရှိတရားမှာ)
နတ်မိမယ်ကနတ်မိမယ်ပဲ...
ကောင်းကင်ပြည့်ဘယ်လောက်ရွာရွာ
မိုးခါးရေမသောက်တော့
ပင်လယ်ရေ အမြဲငန်တယ်...
တရားစီရင်ဖို့ဘယ်လောက်ကြာကြာ
ပိုးစားမှာမကြောက်တဲ့
ဆင်စွယ်မှန် သက်သေခံတယ်...
စိန်ခေါ်သံကို
အမှန်တရားက ပြန်ထူးလိုက်ရဲ့
"ဆင်စွယ်အပြည့်၊ ပင်လယ်ဟေ့ " တဲ့။။
#မင်းကိုနိုင်
