ထိုင်းနိုင်ငံ၌ ကိုရိုနာဗိုင်းရပ်စ်ကြောင့် ၂ဦးထပ်မံ သေဆုံး

ထိုင်းနိုင်ငံတွင် ကိုရိုနာဗိုင်းရပ်စ်ကြောင့် သေဆုံးသူအရေအတွက်သည် ဧပြီလ ၁ ရက်၌ ၂ဦး ထပ်မံသေဆုံးခဲ့သဖြင့်ယခုအခါ သေဆုံးပေါင်း၁၂ ဦးရှိပြီဖြစ်ကြောင်း ထိုင်းကျန်းမာရေးဝန်ကြီးဌာန ပြောရေးဆိုခွင့်ရှိသူ Dr. Taweesil Witsanuayothin ၏ ပြောကြားအရသိရသည်။

ထို့ပြင် ကိုရိုနာဗိုင်းရပ်စ်ကူးစက်ခံရသူ ၁၂၀ဦးကို ထပ်မံတွေ့ရှိခဲ့သဖြင့် အတည်ပြုလူနာပေါင်း ၁၇၇၁ ဦးရှိလာပြီဖြစ်ကြောင်းသိရသည်။

ထိုင်းနိုင်ငံ၌ ကိုရိုနာဗိုင်းရပ်စ်ကြောင့် ၁၀ ဦး သေဆုံး

ထိုင်းနိုင်ငံတွင် ကိုရိုနာဗိုင်းရပ်စ်ကြောင့် သေဆုံးသူအရေအတွက်သည် မတ် ၃၁ ရက်၌ ၁ဦး ထပ်မံသေဆုံးခဲ့သဖြင့် ယခုအခါ သေဆုံးပေါင်း၁၀ ဦးရှိပြီဖြစ်ကြောင်း၊ ကိုရိုနာဗိုင်းရပ်စ်ကူးစက်ခံရသူ ၁၂၇ဦးကို ထပ်မံတွေ့ရှိပြီး ကြောင်း သိရသည်။

လူဦးရေ ၆၆  သန်းရှိသည့် ထိုင်းနိုင်ငံတွင် ကိုရိုနာဗိုင်းရပ်စ်ကြောင့် သေဆုံးသူ ၁၀ ဦးရှိပြီး  စမ်းသပ်စစ်ဆေးချက်များအရ ဗိုင်းရပ်စ်ကူးစက်ခံရသူ လူနာ ၁၆၅၁ဦးရှိကြောင်း ထိုင်းကျန်းမာရေးဌာနက ပြောသည်။ 

ထိုင်းနိုင်ငံ ခရိုင် ခြောက်ဆယ်တွင် ကိုရိုနာဗိုင်းရပ်စ်ကူးစက်မှုများဖြစ်ပွား

Corona virus (Covid-19) ကူးစက်မှုအခြေနေသည် ထိုင်းနိုင်ငံအပါဝင် နိုင်ငံတကာတို့၌ ကူးစက်မှုအခြေနေသည် နေ့စဉ် တစ်ဟုန်ထိုးမြင့်တက်လာသည့်အတွက် ပြည်သူလူထုများအနေဖြင့် စိုးရိမ်းရသည့် အခြေနေတစ်ခုကို ရောက်ရှိလာခဲ့ပါသည်။

မတ်လ ၃၀ရက်နေ့အထိ ရရှိသည့် သတင်းအချက်လက်များအရ ထိုင်းနိုင်ငံရှိ ပြည်နယ် ၇၆ ခုရှိအနက်   ပြည်နယ် ၆၀တွင် Corona virus (Covid-19) ကူးစက်မှုအခြေနေနေ့စဉ်ဖြစ်ပွားနေပါသည်။

Corona virus (Covid-19) ကူးစက်မှုဖြစ်ပွားနေသည့် ပြည်နယ်များမှာ-

ထိုင်းတွင် ခရိုင်တစ်ခုမှအခြားခရိုင်သို့ သွားလိုပါက ဆေးထောက်ခံချက်လိုအပ်

ထိုင်းနိုင်ငံသည် ကိုရိုနာဗိုင်းရပ်စ်ရောဂါကူးစက်ခံရသည့်လူဦးရေး နေ့စဉ်နဲ့အမျှ ပိုတိုးလာခဲ့သဖြင့်
ကူးစက်ရောဂါထိန်းချုပ်ရေးအစီမံများကို ယခုသီတင်းအပတ်အတွင်း ထိုင်းအာဏာပိုင်များက
အပူတပြင်းဆောင်ရွက်လာခဲ့ကြောင်း ထိုင်းနိုင်ငံရှိ မြန်မာအလုပ်သမားများ ဆောင်ရွက်နေသူများ
ထံက သိရသည်။

ထိုသို့ ကူးစက်ရောဂါထိန်းချုပ်ရေးအစီစဉ်များ ချမှတ်ဆောင်ရွက်လာသည့်အနက် ခရိုင်အဝင်ထွက်
နယ်မြေများ၌ ထိုင်းရဲတပ်ဖွဲ့၊ ထိုင်းကျန်းမာရေးအဖွဲ့များအပါဝင် ထိုင်းအစိုးရအဖွဲ့များက ခရီးသွားလာသူ
များ ကိုရိုနာဗိုင်းရပ်စ်ရောဂါရှိမရှိတို့ကို စစ်ဆေးခြင်းအပါဝင် နှာခေါင်းစည်းများဝေငှပေးခြင်းတို့ကို
ဆောင်ရွက်လျက်ရှိကြောင်းသိရသည်။

MUNG MEE 2557 အလုပ်ကိုင်ရှာဖွေရေးကုမ္ပဏီမှ နှာခေါင်းစည်းများ အခမဲ့ဝေငှမည်

ယခုအခါ ထိုင်းနိုင်ငံတွင် ကိုရိုနာဗိုင်းရပ်စ်ကူးစက်ခံရသူဦးရေမြင့်တတ်လာခဲ့ရာ ဖစ်ဘူရီခရိုင် ခေါင်ရွဲနယ်မြေတွင် ဖွင့်လှစ်ထားသည့် MUNG MEE 2557 အလုပ်ကိုင်ရှာဖွေရေးကုမ္ပဏီအနေဖြင့် မြန်မာအလုပ်သမားများအပါဝင် နယ်မြေခံပြည်သူထုများကို နှာခေါင်းစည်းများပြတ်လပ်မှုမရှိစေရန် နှာခေါင်းစည်းများ ထုတ်လုပ်နေပြီ အခမဲ့ဝေငှပေးသွားမယ်လို့ သိရပါတယ်။

ကူးစက်မှုက ပြန့်နှံ့လာတာနဲ့အမျှ နှာခေါင်းစည်းတွေ ဈေးမတန်တဆပေးဝယ်သုံးရတာတွေ နောက်ပြီး သုံးပြီးသားပစ္စည်းတွေကို ပြန်သန့်စင်ရောင်းနေကြတော့ သုံးစွဲသူတွေအတွက်အဆင်မပြေဖြစ်နေကြတာ မြင်တွေ့နေရတာနဲ့ အများကိုလည်း ကူညီရာရောက်အောင် အခုလိုလုပ်ဖြစ်တာပါ လို့ MUNG MEE 2557 အလုပ်ကိုင်ရှာဖွေရေးကုမ္ပဏီမှ MDဖြစ်သူ မဇာက ရှင်းပြပါတယ်။

တရားမဝင်းနယ်စပ်ဖြတ်ကျော်မည့် အထောက်ထားမဲ့မြန်မာအလုပ်သမား ၆၃ဦး ပြန်လွတ်ပြီ

ထိုင်းနိုင်ငံမှာဖြစ်ပွားနေသည့် ကိုရိုနာဗိုင်းရပ်စ်ကြောင့် ထိုင်းမြန်မာနှစ်နိုင်ငံနယ်စပ် သောင်းရင်းမြစ်ကမ်းတလျောက်ရှိ အဝင်ထွက်ဂိတ်များကို ယခုလ ၂၃ရက်နေ့က စတင်ပိတ်ပြီးနောက် မြန်မာအလုပ်သမား ၈၁ဦးတို့သည် တရားဝင်းနယ်စပ်ဖြတ်ကျော်ရန်ကြိုးစားနေစဉ် ထိုင်းအာဏာပိုင်များကယမန့်နေ့ ဖမ်းဆီးရမိခဲ့ပါတယ်။

“ မနေ့က သတင်းရတာနဲ့ချက်ချင်း သူတို့ကို ထိန်းသိမ်းထားတဲ့နေရာသွားပြီး ထိုင်းအာဏာပိုင်တွေနဲ့ ညှိနှိုင်းတာ၆၈ဦးထဲမှာ အထောက်ထားရှိတဲ့ ၁၃ဦးက နေ့ချင်းပဲ ပြန်လွှတ်ခဲ့ပြီ ကျန်တဲ့၆၈ဦးက အထောက်ထားမဲ့တွေဆိုတော့ စစ်ဆေးနေတာနဲ့ ဒီကနေ့ပဲ မြန်မာဘက်ကိုပြန်လွှဲပြောင်းပေးလိုက်ပါတယ်” လို့ မယ်ဆောက်မြို့ရှိအလုပ်သမားသံအရာရှိဦးဝေလင်းမောင်ကပြောပါတယ်။

ကိုရိုနာရောဂါကြောင့် နေရပ်ပြန်မြန်မာအလုပ်သမားများထိုင်းသို့ပြန်လာပါက ၁၄ရက်စောင့်ကြည့်မယ့်သတင်းပြန့်နှံ့

ထိုင်းနိုင်ငံရောက်မြန်မာအလုပ်သမားများကြာ ပြန့်နှံ့နေသည့် သတင်းတစ်ခုမှာ မြန်မာနိုင်ငံသို့အကြောင်းကိစ္စအမျိုးမျိုးဖြင့် ပြန်သည့် အလုပ်သမားများ ထိုင်းနိုင်ငံသို့ပြန်လည်းဝင်ရောက်သည့်အခါ နယ်စပ်မြို့၌

ရှိသည့် ကိုရိုနာရောဂါစောင့်ကြည့်ရေးဌာနများသို့ ပို့ဆောင်၍ (၁၄)ရက် စောင့်ကြည့်ကြောင်းသတင်းများထွက်ပေါ်လျက်ရှိပါတယ်။

အဆိုပါထွက်ပေါ်နေသည့် သတင်းနှင့်ပက်သက်၍ အလုပ်သမားဟစ်တိုင်မှ မယ်ဆောက်မြို့ရှိ ရောင်ခြည်ဦးအလုပ်သမားရေးအဖွဲ့က ကိုဟိန်းထံဆက်သွယ်မေးမြန်းခဲ့ရာ “လက်တလောအဲသလိုအစီစဉ်မျိုးလုပ်ဆောင်နေတာတော့ မတွေ့ရသေးဘူး ၊ ဒါပေမယ့် ထိုင်းဘက်က ဌာနဆိုင်ရာတာဝန်ရှိသူတွေကတော့ ကိုရိုနာရောဂါ နဲ့ပက်သက်ပြီး အသိပညာပေးတာမျိုးတွေတော့ လုပ်ပေးနေတယ်” လို့ ပြောပါတယ်။