ဘန်ခွန်ထီယမ်နယ်မြေတွင် ကိုဗစ်ရောဂါအခမဲ့စစ်ဆေးပေးလျက်ရှိ

 

ဘန်ကောက်မြို့နယ်တွင် မြန်မာအလုပ်သမားများစွာနေထိုင်သည်  ဘန်ခွန်ထီယမ်နယ်မြေတွင် ကူးစက် ရောဂါကာကွယ်ထိန်းချုပ်နိုင်ရေးအတွက် ထိုင်းကျန်းမာရေးဝန်ထမ်းများသည် Biosafety Mobile Unit ယာဉ်နှင့်အတူ ဘန်ခွန်ထီယမ် ( ၁၄ )လမ်းရှိ ၌ အခမဲ့ကိုဗစ်ရောဂါပိုးစစ်ဆေးပေးခြင်းကို ယနေ့တွင်

လာရောက်ဆောင်ရွက်ပေးကြောင်းသိရသည်။

အဆိုပါနယ်မြေရှိ ရပ်ကွက်အကျိုးပြုကျန်းမာရေးစင်တာမှ စေတနာဝန်ထမ်းဖြစ်သူ ကိုအောင်ဇင်ဖြိုးက ကိုဗစ်ရောဂါစစ်ဆေးခြင်းနှင့်ပက်သတ်ပြီး အခုလိုပြောပါတယ်...

'' အနီးတဝှက်မှာနေတဲ့ မြန်မာအလုပ်သမားတွေအပြင် ထိုင်းနိုင်ငံသားတွေပါဆေးလာစစ်တာ အခုဆို ၁၅၀လောက်ရှိပြီးပေါ့ မည်သူမဆို အခမဲ့လာရောက်ဆေးစစ်လို့ရတယ် အကယ်လို့ ပိုးတွေ့သူဆို ရောဂါအခြေနေမဆိုးတဲ့သူဆို home quarantine နေဖို့အတွက် ဆေးတစ်ဗူးနဲ့အစားသောက်ထုပ်တွေပေးတယ် နောက်ပြီး quarantine နေ့စဉ် အစားသောက်တွေစီစဉ်ပေးတယ်ပေါ့"

သြဂုတ်လ ၁၅ ရက်နေ့အထိ ထိုင်းနိုင်ငံအတွင်း ကိုဗစ်အတည်ပြုလူနာ  ၉၀၇,၁၅၇ ဦး နှင့် သေဆုံးသူ ၇,၅၅၂ ဦးအထိရှိလာကြောင်းသိရသည်။