ျမန္မာလုပ္သားတစ္ရာေက်ာ္အား အလုပ္ထုတ္ခဲ့ေသာ ထုိင္းသစ္သီးစက္႐ုံကို သံ႐ုံးက အမည္ပ်က္စာရင္းသြင္း၍ အမႈဖြင့္

 ထိုင်းနိုင်ငံ ဟွေ့ဟင်မြို့ တွင် မြန်မာလုပ်သားတစ်ရာ ကျော်အား အလုပ်ထုတ်ပယ်သော ဒိုလီထိုင်းသစ်သီးစက်ရုံကို အမည်ပျက်စာရင်း သတ်မှတ်ပြီး အလုပ်သမားအခွင့်အရေး ကာကွယ်စောင့်ရှောက်ရေးဌာန (ဆဝါဒီကန်)၌ အမှုဖွင့်တိုင်ကြားထား ကြောင်း ထိုင်းနိုင်ငံဆိုင်ရာ မြန်မာသံရုံးမှ အလုပ်သမားသံအရာရှိ ဦးဆန်းမောင်ဦးက ပြောကြား သည်။

 ထိုင်းသစ်သီးစက်ရုံသည် မြန်မာလုပ်သား ၁၂၂ ဦးကို အ လုပ်ထုတ်ပယ်မှုနှင့် အလုပ်သ များ အခွင့်အရေးချိုးဖောက်မှုများ ပြုလုပ်နေကြောင်း တိုင်ကြားမှုကြောင့် မြန်မာသံရုံးနှင့် ထိုင်းအလုပ်သမားဝန်ကြီးဌာန (ဆဝါဒီ ကန်)တို့ သွားရောက်စစ်ဆေးဖြေရှင်းရာ နှစ်ဖက်သဘောတူညီမှု မရ၍ ဒိုလီသစ်သီးစက်ရုံသို့ မြန်မာလုပ်သားများ စေလွှတ်ခြင်းမပြု ရန် မြန်မာသံရုံးက အမည်ပျက်စာရင်း သတ်မှတ်ခဲ့ကြောင်း ၎င်း ကပြောသည်။



‘‘ကျွန်တော်တို့ ရုံးကနေ ဦး ဆောင်ပြီးတော့ပေါ့။ အလုပ်သ မား လေးဦးက အမှုဖွင့်တိုင်ကြား ထားတယ်။ ဒါကိုလည်း ၁၅ ရက် အတွင်း စစ်ဆေးပြီးတော့ အမိန့် ချပေးမယ်လို့ ဆဝါဒီကန်ရုံးက ပြောထားတယ်’’ဟု ဦးဆန်းမောင် ဦးကပြောသည်။


ထို့အပြင် ဘန်ကောက်မြို့ တွင် အလုပ်သမားအရေးနှင့်ပတ်သက်၍ ကျင်းပမည့် Global Fourm ၌ ဒိုလီစက်ရုံအကြောင်း တင်ပြဆွေးနွေးမည်ဖြစ်ပြီး ထိုင်းအလုပ်သမားဝန်ကြီးရုံးသို့လည်း စာပို့တင်ပြမည်ဟု ဦးဆန်းမောင် ဦးက ဆက်လက်ပြောသည်။


‘‘အရင်နှစ်တွေက တစ်ခါ မှ အခုလို မကြုံခဲ့ရဖူးပါဘူး။ ကျွန်မတို့ကို အလုပ်က ထုတ် လိုက်တယ်ဆိုပြီး ထိုင်းဘာသာနဲ့ ရေးထားတဲ့ စာရွက်တစ်ရွက် ပေးတယ်။ အဲဒီစာရွက်နဲ့ အလုပ်လိုက်ရှာတာ ဘယ်စက်ရုံကမှ လက်မခံဘူး’’ ဒိုလီသစ်သီးစက်ရုံမှ အလုပ် ထုတ်ခံရသော မြန်မာလုပ်သား မချိုချိုဝင်းက ပြောသည်။

ယင်းသစ်သီးစက်ရုံတွင် အ လုပ်လုပ်ကိုင်နေသော မြန်မာ လုပ်သားများကို အခြားစက်ရုံ များသို့ ပြောင်းရွှေ့အလုပ်လုပ် ကိုင်ရန် မြန်မာသံရုံးက အလုပ်ရှာဖွေပေးနေကြောင်း ဦးဆန်းမောင်ဦးကပြောသည်။

 ထိုင်းသစ်သီးစက်ရုံတွင် အလုပ်လုပ်ကိုင်နေသူများသည် မြန်မာ၊ ထိုင်း  နှစ်နိုင်ငံသဘောတူစာချုပ် (MoU) နှင့် သက်သေခံလက်မှတ်(CI)ဖြင့် တရားဝင်လုပ်ကိုင်နေသူများဖြစ်သည်။

ယင်းစက်ရုံရှိ မြန်မာလုပ်သားများသည် လုပ်သက်အနည်းဆုံး လေးနှစ်မှ ၁၀ နှစ်ရှိသည့် ဝါရင့်အလုပ်သမားအများစု ဖြစ် သည်။