ဖီဖီကျွန်းနေ မြန်မာအလုပ်သမားများကို ကိုရိုနာဗိုင်းရပ်စ် အခမဲ့စစ်ဆေးပေး

ထိုင်းကျန်းမာရေးဝန်ကြီးဌာန၏ ယနေ့သတင်းထုတ်ပြန်ချက်အရကိုရိုနာဗိုင်းရပ်စ်ကူးစက်ခံရသည့် အတည်ပြုလူနာစုစုပေါင်း ၂၆၄၃ဦးရှိခဲ့ပြီကျန်းမာရေးလည်ကောင်းလာသူ ၁၄၉၇ဦ၊ ဆေးရုံ၌ ဆေးကုသမှုခံယူနေသူ ၁၁၀၃ဦးနှင့် သေဆုံးသူ ၄၃ ဦးရှိကြောင်းသိရသည်။

ထိုသို့ ကူးစက်ရောဂါပိုမိုထိန်းချုပ်နိုင်ရန် ထိုင်းနိုင်ငံတောင်ပိုင်း ကဘီခရိုင်အောနန်မြို့နယ် ဖီဖီကျွန်း၌ မြန်မာအလုပ်သမားများအပါဝင် ဒေသခံထိုင်းလူမျိုးတို့ကို ကိုရိုနာဗိုင်းရပ်စ်ရှိမရှိကို  အခမဲ့ စစ်ဆေးပေးလျက်ရှိကြောင်း မြန်မာအလုပ်သမားများ၏ ပြောကြားချက်အရသိရသည်။

'' ၁၄ရက်နေ့ကစပြီး အခမဲ့ဆေးစစ်ပေးတာ  မနက်၉နာရီကနေ ညနေ ၅နာရီအထိအထောက်ထားပြည့်စုံတဲ့ရောသူမပြည့်စုံတဲ့သူရောအကုန်လုံးကိုစစ်ပေးတာ ရလာတဲ့ ဆေးစစ်လက်မှတ်ကိုသိမ်းထားပြီ တာဝန်ရှိသူတွေ လာစစ်တဲ့အခါ ဆေးစစ်လက်မှတ်မပြနိုင်တဲ့သူကို စောင့်ကြည့်ရေးစခန်းတွေမှာထားတာမျိုးတွေလုပ်နိုင်တယ်လို့'' ဖီဖီကျွန်း၌ အလုပ်လုပ်ကိုင်နေသည့် မငယ်က ပြောသည်။

ဖီဖီကျွန်းရှိရာ ကဘီခရိုင်သည် ထိုင်းနိုင်ငံအတွင်း ကိုရိုနာဗိုင်းရပ်စ်တွေ့ရှိသည့် ခရိုင်၆၈ခု၌ ၁ခုအပါဝင်ဖြစ်ပြီးသလို ၎င်းခရိုင်၌ ကိုရိုနာဗိုင်းရပ်စ်ကူးစက်ခံရသူ ၁၆ဦးကိုလည်စစ်ဆေးတွေ့ရှိထားကြောင်း ထိုင်းကျန်းမာရေးဝန်ကြီးဌာန၏  သတင်းထုတ်ပြန်ချက်အရသိရသည်။

ထိုင်းနိုင်ငံအတွင်း ကိုရိုနာဗိုင်းရပ်စ်ကူးစက်ရောဂါအတည်ပြုလူနာတွေ့ရှိမှုသည် ယခုသီတင်းပတ်အတွင်းလျော့ကျလာကြောင်းသိရသည်။

စောမောင်( အလုပ်သမားဟစ်တိုင်)