ထိုင်း၌ ကိုရိုနာဗိုင်းရပ်စ်ကူးစက်ခံရသူ ၉ဦးခန့်သာတွေ့ရှိ

ထိုင်းနိုင်ငံ၌ ကိုရိုနာဗိုင်းရပ်စ် ကူးစက်ခံရသူ ၉ ဦးသာ ထပ်မံတွေ့ရှိကြောင်းထိုင်းကျန်းမာရေးဝန်ကြီးဌာန ကူးစက်ရာဂါအခြေအနေ စီမံခန့်ခွဲရေးဗဟိုဌာနမှ ပြောရေးဆိုခွင့်ရှိပုဂ္ဂိုလ် တာဝီဆင် ဗီဆနူယိုသင်က ယနေ့တွင် ပြောကြားသည်။

ယခုသီတင်းပတ်အတွင်း  ကိုရိုနာဗိုင်းရပ်စ်ရောဂါ ကူးစက်မှုနှုန်းသည် သိသာထင်ရှားစွာကျဆင်းလာကြောင်းသိရသည်။

ယခုအခါ ကိုရိုနာဗိုင်းရပ်စ် ကူးစက်ခံရသူ စုစုပေါင်းသည် ၂၉၃၁ဦးရှိခဲ့ပြီးယင်းတို့အနက် ၂၆၀၉ ဦးသည်  ပြန်လည်ကျန်းမာလာပြီ၊ ၂၇၀ဦး သည် ဆေးရုံများတွင် ဆေးကုသမှုခံယူနေဆဲဖြစ်ကြောင်း ဆက်လက်ပြောသည်။

ကိုရိုနာဗိုင်းရပ်စ်ကူးစက်မှုကြောင့် သေဆုံးသူ ၅၂ဦးအထိရှိခဲ့ကြောင်းသိရသည်။