ယမန်နေ့က ထိုင်းနိုင်ငံ ကန်ချနဘူရီခရိုင် တရားမဝင်နယ်စပ်ဖြတ်ကျော်ဝင်ရောက်လာသည့် မြန်မာလုပ်သမား ၁၀၃ ဦးတို့ကို ထိုင်းအာဏာပိုင်များက ဖမ်းဆီးရမိကြောင်း ထိုင်းဘုရင့်တပ်မတော်မှ သတင်းထုတ်ပြန်ခဲ့သည်။
ထို့နောက် ဖမ်းဆီးရမိသည့် မြန်မာအလုပ်သမားများကို ကိုဗစ်စစ်ဆေးခြင်းများပြုလုပ်ပေးပြီးနောက် ဥပဒေအရဆက်လက်အရေးယူဆောင်ရွက်ရန် စိုင်ယိုးနယ်မြေရဲစခန်းနှင့်မီ(င်)ကန်ချနဘူရီ ရဲစခန်းများကို ပို့ဆောင်ခဲ့ ကြောင်းသိရသည်။
နိုဝင်ဘာလ ၆ ရက်နေ့ နံနက် ၈နာရီအချိန်တွင် တရားမဝင်နယ်စပ်ဖြတ်ကျော်ဝင်ရောက်လာကြသည့် မြန်မာအလုပ်သမား ၂၃ဦး လိုက်ပါခဲ့သည် မော်တော်ယာဉ်နှစ်စီအနက် တစီတိမ်းမှောက်သဖြင့်ြ မန်မာအလုပ်သမား ၃ဦး ( ကျား ၁ ၊ မ ၂ )သေဆုံးကာ ၄ ဦး (ကျား ၂ ၊ မ ၂ ) ထိခိုက်ဒဏ်ရာရရှိခဲ့ကြောင်းနှင့် ၎င်းတို့အားလုံးကို ကံဖဲဖေ့(ချ်)ခရိုင်တွင် ကံဖဲဖေ့(ချ်)မြို့နယ် နာဘောင်ခမ်ကျေးရွာအုပ်စု (၁၂ )၌ ပွဲစားများက စွန့်ပစ်ခဲ့ခြင်းဖြစ်စဉ်တခုဖြစ်ပေါ်ခဲ့သည်။
