ထိုင်းကျန်းမာရေးဝန်ကြီးဌာနမှ ကိုရိုနာဗိုင်းရပ်စ်ကူးစက်မှုအခြေနေအား ထိန်းချုပ်ရန်နှင့်ဒုတိယအကြိမ်ရောဂါဖြစ်ပွားမှုမရှိစေရန် ရောဂါဟန့်တားရေးအစီမံများဆောင်ရွက်လျက်ရှိသည့်အနက် မြန်မာလုပ်သမားများကို ကိုရိုနာဗိုင်းရပ်စ်ရောဂါစစ်ဆေးပေးခြင်းများကို ဆောင်ရွက်ပေးလျက်ရှိကြောင်းသိရသည်။
စမွတ်ဆာခွန်ခရိုင်အာဏာပိုင်များ၊ကျန်းမာရေးအစုဖွဲ့များသည် ဒေသတွင်းနေထိုင်အလုပ်လုပ်ကိုင်သည့် မြန်မာအလုပ်သမားများအား ဧပြီ ၂၇ရက်နေ့မှစ၍ ကိုရိုနာဗိုင်းရပ်စ်ရောဂါစစ်ဆေးပေးခြင်းကို နယ်မြေအလိုက်ဆောင်ရွက်ပေးလျက်ရှိသလို ထိုင်းနိုင်ငံတောင်ပိုင်း ကဘီခရိုင်၌ မြန်မာအလုပ်သမားများကို ဧပြီလ ၁၄ရက်နေ့တွင် ကိုရိုနာဗိုင်းရပ်စ်ရောဂါအခမဲ့စစ်ဆေးပေးခြင်းကို နယ်မြေအလိုက်ဆောင်ရွက်ပေးခဲ့ကြောင်းသိရသည်။
ဒေသအာဏာပိုင်များ၏ပြောကြားချက်အရ စမွတ်ဆာခွန်ခရိုင်တွင် မှတ်ပုံတင်ထားသောမြန်မာရွှေ့ပြောင်းအလုပ်သမားများ ၂၆၈၀၈၄ ဦး ရှိကြောင်းသိရသည်။
ထိုင်းနိုင်ငံ၌ ကိုရိုနာဗိုင်းရပ်စ်ကူးစက်ခံရမှုအခြေနေများနှင့်ပက်သက်၍ ယနေ့ သတင်းထုတ်ပြန်ချက်များအရ အတည်ပြုလူနာ ၇ ဦးသာ ထပ်မံတွေ့ရှိခဲ့သဖြင့် ကိုရိုနာဗိုင်းရပ်စ် ကူးစက်ခံရသူ စုစုပေါင်းသည် ၂၉၅၄ဦးရှိခဲ့ပြီး ၊ယင်းတို့အနက် ၂၆၈၇ဦးသည် ပြန်လည်ကျန်းမာလာကာ၊ ၂၁၃ဦး သည် ဆေးရုံများတွင် ဆေးကုသမှုခံယူနေဆဲဖြစ်ကြောင်း ကိုရိုနာဗိုင်းရပ်စ်ကူးစက်မှုကြောင့် သေဆုံးသူ ၅၄ဦးအထိရှိခဲ့ကြောင်းထိုင်းကျန်းမာရေးဝန်ကြီးဌာန ကူးစက်ရာဂါအခြေအနေ စီမံခန့်ခွဲရေးဗဟိုဌာနမှ ပြောရေးဆိုခွင့်ရှိပုဂ္ဂိုလ် တာဝီဆင် ဗီဆနူယိုသင်က အတည်ပြုပြောသည်။
