မြွေကြီးလို့သာ နဂါးဖြစ်လာတာ
ထောင်ပြစရာ အမောက်က မရှိဘူး။
လက်ဖ၀ါးမို့သာ အရေးအကြောင်းပေါ်လာ...
မာန်တက်စရာ ထီးရိုးကမရှိဘူး။
မြစ်ထဲတော့ ၀င်ကြတာပဲ
ရေတံခွန်ကြီး ဘွားခနဲမြင်တော့မှ
အစုန်သမားက လန့်အော်
အဆန်သမားက ဆက်မလှော်နိုင်တော့ဘူး။
နှစ်ကူးလို့သာ ဂဏန်းကြီးလာတာ
တကယ်ပြစရာ အသက်ကမရှိဘူး။
လှုပ်ရှားနေလို့သာ ဘ၀လို့ခေါ်တာ
ဖော်ပြစရာ အဓိပ္ပါယ်လည်းမရှိဘူး။
အပင်ကြီးလို့သာ နတ်ကွန်းဖြစ်လာတာ
တကယ်ပြစရာ တန်ခိုးကမရှိဘူး။
