(အသက်(၃၀)မတိုင်ခင် လူတိုင်းဖတ်သင့်တဲ့ နိုင်ငံတကာ စာအုပ်များစာရင်း မှာပါတဲ့ The Art Of War by Sum Tzu ရဲ့ဘာသာပြန်စာအုပ်လေးပါ။
ဆွန်ဇူး၏ စစ်ပညာကျမ်း (Art of War) ကို စစ်ရေးစစ်ရာများ တက် သိ ကျွမ်းကျင် ဖို့ထက် စီးပွားရေးလောကမှာ အောင်မြင်ဖို့ အဖတ်အရှုများသလို၊ အစိုးရ (အုပ်ချုပ်ရေး) အကြောင်း ရေး ထားသည့် မက်ခီးယားဗဲလီး၏ မင်းသား ( The Prince ) ကိုလည်း စီးပွားရေးလုပ်ငန်းတစ်ခု အတွက် လမ်းညွှန်အဖြစ် အသုံးပြုနေကြတာများပါသည်။
ထို့အတူ ဤစာအုပ် ကိုလည်း စီးပွားရေး လုပ်ငန်းတစ်ခု အတွက် ထိရောက်အောင်မြင်သော ဖန်တီးရေး လုပ်ငန်းစဉ်များ ဖော်ဆောင်ရန် အသုံးပြုနိုင်၏..
ထို့ကြောင့် ကျနော်သူငယ်ချင်းများ အဆင်ပြေလွယ်ကူစွာ ဖက်ရှုနိုင်ရန်ကျနော်မှာ ဆွန်ဇု ၏ စစ်ပညာကျမ်း ဘာသာပြန်စာအုပ်မှ အခန်းလိုက် ကူယူဖော်ပြပေး သွားပါမည်။
ဆွန်ဇု အတ္ထုပ္ပတ္တိ (ကောက်နုတ်ရေးသားချက်)
စွတ်မာချန်ဒ(တရုတ်ပြည်သမိုင်းမော်ကွန်းတင်ပညာရှင်)
ဆွန်ဇု၏ အမည်ရင်းကာ ဆွန်ဝူဖြစ်၏။ချီနိုင်ငံ ဇာတိတည်း။ဆွန်ဇုသည် စစ်ပညာ ကျမ်းဖြင့် ဝူဘုရင်ဟိုဠူထံ ဆက်သ အခစားဝင်၏။ဝူဘုရင်ဟိုဠူက အဆွေတော်၏ စစ်ပညာကျမ်းပါ ၁၃ခန်းကို ငါကိုယ်တော်တိုင် ဖက်ရှုပြီး ဖြစ်၏။စစ်သည်နည်းနည်းဖြင့် အစမ်း သရုပ်ပြ၍ ရနိုင်ပါ၏လော ဟုမေးတော်မူ၏။
ရနိုင်းကြောင်းပါ ဟု ဆွန်ဇုက လျှောက်၏။မင်းကြီးက 'မိန်းမသားများနှင့်ကော စမ်းပြနိုင် ပါ ၏လော" ဟုမေးလာပြန်၏။
"အရှင်မင်းကြီး ရနိုင်ပါ၏" ဟုဆွန်ဇုက ပြန်ဖြေ၏။
သို့နှင့် အမိန့်တော်အရ စီစဉ်လေ၏။ နန်းတွင်းမှာ မောင်မ အပျိုတော်ရံ တစ်ရာ့ ရှစ်ဆယ်ယောက်ကို စုမိ၏။ဆွန်ဇုက နှစ်စုခွဲလိုက်၏။တပ်တစ်စုစီကို ဘုရင့် အချစ်တော် မိဖုရာငယ်တစ်ပါးစီ အသီးသီး ဦးစီးစေပြီး အားလုံးးကို ကိုယ်စီကိုယ် ငှလှံများ ကိုင်ဆောင်စေ၏။ဆွန်ဇုက "အသင်တို့သည် အသင်တို့၏ ရင်ဝရှေ့တည့် တည့်၊ဘယ်လက်၊ ညာလက်နှင့် နောက်ကျောတို့ကို သိကြပါ၏လော"ဟု မေး၏။
"သိပါ၏" ဟုအပျိုတော်ရံ မောင်းများက ဖြေ၏။
"ရှေ့ကြည့်ဆိုလျှင် ရင်ဝ ရှေ့တည့်တည့်ကို ကြည့်ပါ။ ဘယ်ကြည့်ဆို ဘယ်လက် ဘက်ကို ကြည့်၊ ညာကြည့်ဆို ညာလက်ဘက်ကိုကြည့်၊နောက်ကြည့် ဆို နောက်ကျော ဘက် လှည့်ကြည့် " ဟု ဆွန်ဇုက မိန့်မှာ၏။
"သိပါပြီး" ဟုအပျိုတော်ရံ မောင်းမများ ကဖြေ၏။ဤနောက် စည်းကမ်းချမှတ် ပြဌာန်းပြီးသည်နှင့် ဓားကိုင်လက်မရွံ့သားများ ခန့်ထား၏။ အမိန့် စည်းကမ်း များကို အထပ်ထပ် အခါခါ ပြန်လည်ချပြရှင်းလင်းပြန်လေ၏။
သို့နှင့်ညာဘက်ကြည့်ရန် စည်တီး အမိန့်ပေး၏။အပျိုတော်ရံမောင်းမများ ဟားတိုတ် ရယ်ကြကုန်၏။
"စည်းကမ်း ပြဋ္ဌာန်းခြင်း မပြက်သား၊ ရှင်းပြချက် မပီပြင် မမှတ်မိခြင်းသည် တပ်မှူး၏ အပြစ် ဖြစ်၏" ဟုဆွန်ဇုက မိန့်ဆို၏။
တဖန်း စည်းကမ်းပြဋ္ဌာန်းချက်များ အထပ်ထပ် အခါခါ ချပြရှင်းလင်းပြီးနောက် ဘယ်ဘက်ကြည့်ရန် စည်တီး အမိန့်ပေးပြန်၏။အပျိုတော်ရံ မောင်းမများလည်း တစ်ဖန် ဟားတိုတ်ရယ်ကြပြန်၏။
"စည်းကမ်း ပြဋ္ဌာန်းခြင်း မပြက်သား၊ ရှင်းပြချက် မပီပြင် မမှတ်မိခြင်းသည် တပ်မှူး၏ အပြစ်၊ ပြဋ္ဌာန်းချက် များ ပြက်သား ရှင်းလင်းပြီးနောက် စည်းကမ်း မလိုက်နာခြင်းသည် တပ်စုမှူးတို့၏ အပြစ်သာ ဖြစ်တော့ သည်"
သို့နှင့် တပ်စုမှူးနှစ်ယောက်စလုံးကို ကွပ်မျက်ရန် စီစဉ်လေတော့သည်။
ဝူဘုရင်ဟိုဠူသည် စင်မြင့်မှ ရှုစားနေလေရာ၊ မိမိမြတ်နိုးသော မိဖုရားငယ်နှစ်ပါးစလုံး အသတ်ခံရမည် ကို မြင်လေသော် အထိတ်တလန့်ဖြစ်ရပြီး ချက်ချင် အပါးတော် ဆက်သား အား တားမိန့်ပြန်စေ၏။
"ငါ ကိုယ်တော်မြတ်ကိုယ်တိုင် အဆွေတော် စစ်သူကြီး၏ စစ်ရေး ကျွမ်းကျင်ကြောင်း ကို သိရပြီ ဖြစ်၏။ မိဖုရားငယ်များ မရှိက ငါကိုယ်တော်မြတ် စားမဝင်၊ အိပ်မပျော် ဖြစ် ရချေတော့မည်၊ ငါကိုယ်တော်မြတ်နိုးသော မိဖုရားငယ် နှစ်ပါးစလုံးအား မသက်ရန် မိန့်မှာတော်မူလိုက်သည်" ဟူ၏။
"အကျွန်ုပါသည် အမိန့်တော်အရ စစ်သူကြီးအဖြစ် ခန့်အပ်ခြင်း ခံခဲ့ရပြီး ဖြစ်၏။ စစ်သူကြီးတို့ မည်သည် တပ်တွင်း၌ရှိမူ ရှင့်ဘုရင့် အမိန့်တော်များကို မနာခံရာ သည်လည်း ရှိ၏ " ဟု ဆွန်ဇုက ပြန်လျှောက်၏။ သို့ဖြင့် တပ်စုမှူးများဖြစ်ကြသော မိဖုရားငယ် နှစ်ပါးစလုံးကို ကွက်မျက်လိုက်၏။
တစ်ဖန် နောက်လူလဲပြီး တပ်စုမှူးအဖြစ် ခန့်ထား၏။ စည်တီး အမိန့်ပေးပြန်သော်၊ အပျိုတော်ရံ မောင်းမ များသည် ဘယ်ညာ ရှေ့နောက်၊ဒူးတုတ်ခြေကွေး အကြိမ်ကြိမ် အလီလီ အားလုံး စည်းကမ်းတကျရှိပြီး အသံဗလံ မထွက်ရဲ ရှိကြလေသတည်း။
ထို့နောက် ဆွန်ဇုက မင်းကြီးထံ ဆက်သားစေလွှတ် လျှောက်ထားစေ၏။ "တပ်များ ညီညာစည်းကမ်းကျ ရှိပြီဖြစ်ကြောင်း အရှင်မင်းကြီး ကိုယ်တော်တိုင် ကြွရောက် ရှုစားနိုင်တော်မူပါကြောင်း အရှင်မင်းကြီး စိတ်တိုင်းကျ အသုံးတော် ချနိုင်မည် ဖြစ်ပါကြောင်း၊ မီးထဲ ရေထဲ ဆင်းခိုင်းလျှင်လည်ဒ အမိန့်တော်အတိုင်း နာခံကြလိမ့် မည် ဖြစ်ပါကြောင်း" လျှောက် ထားစေသတည်း၊။
"အသင် စစ်သူကြီး၊ အဆောင်တော်သို့ ပြန်နားနေနိုင်ပါပြီ၊ ငါကိုယ်တော်မြတ် ကိုယ်တိုင်ကြွရောက် ရှုစားတော်မူရန် ဆန္ဒ မရှိတော့" ဟု ဝူဘုရင်ကြီးက မိန့်မှာ၏။
"အရှင်မင်းကြီးသည် အပြောသာနှစ်သက် သဘောကျတတ်သူတည်း၊ စစ်ပညာ သဘော ကို လက်တွေ့ အသုံးမချတတ်ပါပေ" ဟု ဆွန်ဇုက ကောက်ချက်ချ၏။
ဝူဘုရင်ဟိုဠူသည်လည်း ဆွန်ဇုမှာ စစ်ပညာ ကျွမ်းကျင်သူတစ်ယောက်ဖြစ်ကြောင်း ကောင်းကောင်း သိရပြီးလေသော် စစ်သူကြီး အဖြစ်ခန့်အပ်လိုက်လေသည်။
ဝူနိုင်ငံသည် ၎င်း၏အနောက်ဘက်ပိုင်းရှိ အင်အားကြီးမားသော ဆူနိုင်ငံကို အောင်နိုင် ခဲ့ပြီး ၎င်းမြို့တော် ယင်းမြို့ကိုလည်း တစ်ချိန်တွင် လက်ရ သိမ်းပိုက် ထားနိုင်ခဲ့လေး
သည်။ မြောက်ပိုင်းရှိ ချီနိုင်ငံနှင့် ကျင့်နိုင်ငံ တို့အပေါ်လည် သြဇာအရှိန် အဝါ ကြီးစွာ လွှမ်းမိုးနိုင်ခဲ့လေသည်။
ဝူဘုရင် ဟိုဠူသည် မြို့ပြနိုင်ငံများ အကြား ဂုဏ်သတင်း သြဇာတိက္ကမ ကြီးမားခဲ့လေ သည်။ဤသည်တို့တွင် ဆွန်ဇု၏ ကြိုးပမ်း စွမ်းဆောင်မှုများ ပါဝင်နေကြောင်း ထင်ရှား လှပေသတည်း။
တရုတ်ဘာသာမှပြန်ဆိုသူ=စံလှိုင်
ဆက်လက်ဖော်ပြမည်
